閃閃其實都好耐冇去啲 Workshop or Event 之類了，一來太忙，二來身子唔好，三來時間唔岩，好多係中午搞既活動閃閃都去唔到，又或者因為撞左返學，不過今次收到 NARS 既邀請，明知要返學，寧願走堂都要出席因為閃閃未去過 NARS 既活動，所以好想去唷，本來 PR 邀請既時段係上班時間，好在佢地都安排左另一個放工既時間，比我地呢啲要返工既 BLOGGER，多謝安排呢！
今次收到邀請時，講話可以帶多一個朋友仔去，本來閃閃一路都未收到通知係咪有六點半既場次，所以唔敢邀請朋友住，最後收到就即將邀請朋友仔，今次同閃閃一齊出席既係「
水水 Natalie」，好在水水帶左個勁既相機去，原來閃閃個 Note 2 影相真係麻麻地，睇黎要囉返 EP-3出動。
點解今次活動要帶埋朋友仔，原來今次既形式係一個做 Model 一個做 Makeup Artist ，未試過喎，好好玩咁，咁水水就做 Model 先去 Set 頭，閃閃就去另一個地方先。
先睇左水水先，今次活動安排左 amika: 幫 Model 先 Set 頭。
水水整好左個頭之後，就係帶CURL 既頭髮，好啦！我地學化 NARS 最新既 NARS 2013 春季彩妝系列唷。
由最左開始講起啦，白色反晒光個盒係 Light Reflecting Complex (HK$350) ，呢盒都好好用，帶出街好方便，要黎定妝可以提升肌膚既表面光線反射，睇落就會修飾左一啲幼紋同埋毛孔，閃閃諗緊好唔好買呢盒呢。
然後就係 Bouthan Duo Eyeshadow (HK$330)，Mad Mad World Duo Eyeshadow (HK$330)，Seduction Blush (HK$300)，同埋下面既 Persia Single Eyeshadow (HK$230)
其中 Mad Mad World Duo Eyeshadow個藍綠色真係好SHARP，仲要好上色添唷！
今次就由底妝開始講起，閃閃冇用過 NARS 既底妝，本來想有時間剩閃閃試下... 點知...
檯面已經準備好工具，學左點化之後，其實唔駛跟返佢咁化，咁等閃閃幫水水設計個妝容先！(緊張緊張！)
真係好認真的說，閃閃第一次幫人化妝，勁緊張唷，不斷的好擔心，但水水就不斷安慰閃閃，仲係咁話幾好呀幾好呀！
多謝你呀水水，KISS~~~~~~~~~~~~~
其間 NARS 既化妝師都有比意見同埋閃閃有問題都幫到閃閃，一開始閃閃化左上眼蓋，因為覺得水水甜美可人，就快甜一點，所以眼頭用上 Bouthan 既粉紅色，眼尾位用 Mad Mad World 既藍色，混合左少少變左紫紫地，下眼線位都係用混合左既紫色。
而用上 Seduction Blush ，初初閃閃搽得太近鼻翼位，同上面眼妝好唔 Balance ，化妝師就指點閃閃點用粉樸印走同埋點樣用 Light Reflecting Complex 黎 Balance 返！
嘻嘻，出來效果不錯唷，仲有人讚閃閃搽水水個咀搽得靚添唷！
忘了影眼妝 Close up ，就是這個樣子唷，閃閃很喜歡呢，第一次當化妝師感覺很新鮮呢！
水水的分享：
be a makeup artist - NARS 2013 spring makeup workshop
多謝 NARS 呢，閃閃仲收到妝品，遲啲拍片同大家分享唷！^^
呢個系列 2013年2月1 日已經推出左架啦！大家可以去 NARS 選購唷！
請給個 "LIKE" 加入唷，我會常在 FACEBOOK 更新試用動向唷！
