星期六, 10月 31, 2009

星期日, 10月 25, 2009

認識 Neo Derm



未講今次聽左啲咩之前,首先講一講我第一次接觸 Neo Derm 既情景!我第一次接觸係唔知係邊度有得試一個 For 眼部既療程(應該都有若干年)! 我仲記得應該係去銅鑼灣既 reenex !上到去填左 Form ,咁就有美容師講解,講解幾耐都唔係好記得,但都唔短時間,再入去做一個只係五分鐘都冇既療程,跟住就比佢勁 Sell!其實我自己覺得 Sell 唔係一個問題,但個五分鐘既療程其實效果不大,好多野又未必即時見效!好多時未必即時可以下決定,但當我不斷咁話要再回家諗下!個美容師姐姐對我黑面。

個次既試用,我感覺好差好差!(實在我唔想講反話!) 亦因為咁,係我心目中,我介定左 reenex係一般既美容院 (又未至去到黑店,因為佢冇收埋我啲衫迫我簽單),閃閃重申,你 Sell唔係問題!但唔好太過 Hard Sell!過左火係令人討厭,就算你個療程好好,都未必會返轉頭 Join!

但最重點係,佢黑面!因為佢黑面,所以我係心目中 Delete 左 reenex呢間店了。


好了!講完我既感覺,因為呢個已經係若干年前既經歷,今次抽中左去呢個 Tea Party,我係用一個去認識佢既態度去了解呢間係一個點既公司!

今次 Neo Derm 既 PR 簡介左佢地公司既 Centre 同埋 Product比我地知!亦都簡單講解左某一啲療程既原理!

其實佢地公司既 Centre 平時聽得多,但又唔係太了解!

首先 PR Alice 介紹佢地公司有啲乜野啦!



PR Alice 講公司理念既時候,另我對呢一間公司有左一個新既睇法!好少老闆會係生意上,首先考慮左員工既感受同需要,真係好少...我一路希望能夠入到一間公司個老闆真係以人為本的,閃閃曾經因為工作既公司老闆用奸計出少啲糧比員工,作為HR既我,真係好唔開心所以Resign),Alice 話,佢地老闆係首先覺得員工做得開心,先可以提供好既服務比顧客!呢個老闆真係有遠見,員工係一間公司既基本!(講起呢啲理念... 真係有排講... )

咁我諗緊,當年我遇到佢地個黑面員工可能只係一個半個係咁!可能佢唔開心緊,雖然唔開心都唔可以對客人黑面,但我覺得係一間咁好既公司工作,其實好開心架唷!

所以呢,我之後登記左去試療程,我會細心留意佢地既服務的 (之後再分享)






要搵佢地既資料,上網就可以輕易搵到了!所以我都係重點講一啲我聽到返黎覺得有用既野比大家知啦!

關於 dermes

我都有試過做激光 (閃閃以前曾在某藝人轉做商人所開始的纖體公司工作過,所以某啲野都試過下架!) ,但做激光既感覺好刺痛,所以感覺很痛!

但當日 Meling 有分享過佢試過療程同一般激光脫毛相比,會冇咁痛,可能因為佢地咁多年黎都專注係激光脫毛方面,治療師日日都係做激光脫毛,非常專業!

彩光同激光脫毛既分別:
「激光是能量集中,單一波長的光線。應用於脫毛上的有專利TKS™「選擇性光熱技術」,將只會給黑色素吸收的激光轉為熱能,光能安全地沿著毛髮進入毛囊,破 壞生長能力,達到永久脫毛效果。由於TKS™「選擇性光熱技術」的激光只對黑色素產生作用」
「由於彩光脫毛所使用的光源較弱和分散,故只能打進皮膚表面,加上輸出能量強度不一,較難操控,勉強調高能量會容易使皮膚灼傷及紅腫,故需要較多次治療,而且不能脫去幼毛。」(Info fr Web Site)

關於 reenex

雖然,我對 reenex 冇乜好感,但鍾楚紅小姐為佢地做代言人既廣告又著實好吸引,但係因為唔鐘意 reenex,再無留意佢地係做啲乜野療程了!所以PR講解既時候,所有野都好新奇!

女人最怕老左,啲皮向下鬆弛,因為皮膚失去左彈性同埋承托力,主要係因為骨膠源不斷留失,因為呢件事... 太複雜了!(下次我都係要 REC左佢好了!) 簡單啲講,係佢地用醫學科技,去增生同扭返緊啲骨膠原 (因為佢有幾個唔同既療程,未試過既野我理解唔到!大家可以去佢地 web site 睇下!)

總之呢,就係年紀再大啲呢,呢啲錢唔慳得!因為骨膠原只會一步一步咁離開,自己唔識增加的!所以暫時黎講呢!我未有咁既需要,但呢啲資訊已經記左入腦!將來有用的.....


關於 Elyze


最近因為有 Beauty Bloggers 去試做,所以睇左好多唔同既 Blog,今次聽 PR講完,令人覺得真係好吸引 (可惜我係小小 OL,花唔起呢啲錢住呢!) ,不過都去左登記去做一次,因為好想知 inbody 個 Report會係點,我啲小腿大腿呀,咁多年黎用左咁多方法都減唔到 (我又要再講,閃閃係纖體公司做過... ),所以我一直都唔信做機真係得的,但係今次聽見個科技係將脂肪打破,以脂肪既幹細胞去轉化成骨膠原!聽見到好吸引喎!所以想去試下!

大家有興趣,都可以按此去登記唷!雖然只係可以試做一次,但可以了解自己多啲,又可以知係咪真係可以幫到自己,我都覺得可以花時間去做一次呢!

好了!太長篇了,分享住咁多先!之後再同大家分享產品篇

High Tea with Neo Derm


尋日有幸出席左 Neo Derm 為 Bloggers 而設的聚會,約會地點位於中環 IFC Harlan's既 Cher Room內進行,窗外既景致同舒適既環境,與一眾 Bloggers 過了一個好開心的下午。

首先梗係同大家分享左美食先啦!哈哈,因為分享左聚會時講解既野野之後,你可能對美食既興趣度大減,哈哈,我係為左大家著想的!

首先睇下有咩食先!哈哈~


出場啦!由下至上,好多野食唷!



首先食咸點!下層既野食我每件都有食架唷!



中層我只係食左個栗子蛋糕(好鬆軟),同埋中間個個 Italian Cheese Cake (唔好味唷.....>.<)




最上層既我只係食左個Coconut Marcaroon !都ok !






過左一個好愉快又好開心既下午,有新相識既 Bloggers,亦有見左好幾次既 Bloggers!一班女生有傾有講過得好開心!我越黎越發現自己原來都幾靜的,好享受聽人講野,聽見大家講分享用過既野,好開心唷!

野食方面,所有野食都好食!但就係冇乜邊樣會係特別令人覺得好好味唷!唔知 Harlan's 本身有冇出色既甜品既呢?

不過環境確係一流,對住維港既景致,由日到夜景!好正!




好靚既水晶燈,坐係下面食野感覺好浪漫唷!(閃閃好迷戀閃閃既水晶的!嘻嘻)



多謝 Meling 既安排,多謝 Neo Derm 抽中左我黎呢個 Tea Party!多謝 Neo Derm PR & Marketing 既悉心安排!因為呢個 Tea Party,又識多左新朋友又識到新既事物!好開心唷!

下篇同大家分享下知道左啲乜野啦!嘻嘻

星期三, 10月 21, 2009

星期一, 10月 19, 2009

SAMSUNG X A Guide To Taking Better Pictures...

在 Facebook 上看到這段片!一定要同大家 Share一下啦!
片段用既就係 Samsung 雙芒相機!好有趣既片唷!


星期日, 10月 18, 2009

SAMSUNG ST550 試機之戶外LED

上星期五晚好忙好忙,約了Bloggers們交收Jelly Eye!因為約左係尖沙咀,記起SAMSUNG有個巨型既戶外LED!雖然我夾唔到時間影8:00-8:15既幻彩詠香江!但係都想影一影遠在對岸既LED!

點知......一落船,原來向海港城方向行既沿岸係見唔到個LED牌架..... 但我又趕時間... 心想可惜可惜既時候!原來上左自動梯轉身望就見到!哈哈!仲唔即刻囉 ST550出黎影!


好遠呀!我ZOOM近左了!好清楚呀!


另一個角度!其實我ZOOM左好近的!咁遠影都好ok!


哈哈,大家係尖沙咀個邊,可以留言下呢個咁大既戶外LED呀!SAMSUNG 會定期搞 Make a Wish既活動!我覺得最岩就係示愛,求婚,或者留一啲叫人加油既字句!

之後去左食飯!




我同朋友仔示範部機既自拍笑臉功能,示範點一笑即拍!哈哈!佢既自拍笑臉功能一如我之前講,要先到見牙先得,我朋友仔都試影左一張!但朋友仔一試完就COMMENT覺得男仔笑到見牙唔會好睇下架!我都覺得係既!咁係咪最岩女仔自拍用呢!(即係好岩我啦!哈哈!)



All Photo Taken by SAMSUNG ST550

SAMSUNG ST550 試機之兒童模式



妹妹生左個可愛既 Baby!無辦法,我覺得佢係世上最可愛既 BB豬!但自從佢開始有點認到野之後,每次我妹妹囉相機想影佢,宇豬佢就唔笑..........

點算好呢!為左咁,我地自制左好多相機套黎諗住去欺騙這個兩三個月大既 BB.... 用報紙用布用雜誌,全部都開一個洞!去諗住唔好比宇豬發現.... 點知... 只要個圓圓地既鏡頭伸出... 佢即刻收起笑容.....

點算點算,好在呢個時候有 SAMSUNG 既雙芒顯示相機,佢前面個細芒除左好似我之前介紹既自拍笑臉同埋自拍倒數計時顯示外!仲有一個兒童模式,就好似上圖咁顯示左一段吸引少小朋友望住部相機既動畫!
有左佢,我就用佢黎影宇豬!

發現左個相機有動畫啦!

想 Move 過黎睇下咩黎 (BB仔係好好奇的)

宇豬:咩黎既呢?等我睇清楚啲先!

宇豬:原來又係想影我相!



另外朋友仔bb 都好可愛!我又用 SAMSUNG ST550黎同佢影相!
第一拍!柏柏佢相當好奇 !碌大隻眼黎望!

倒轉左都仲係望住個芒!哈哈!好吸引咁喎!

佢仲想伸手摸下添呀!


總括黎講,呢個Mode都好岩小朋友用!但得一段動畫,可能同一個小朋友會睇到悶.....
所以如果有多兩三段動畫佢自己會Random出!咁會吸引好多!
我推介比有小朋友又唔諗住買部好鬼大部既單鏡機!用呢部黎影小朋友吸引佢地好OK架!

All Photo taken by SAMSUNG ST550

星期六, 10月 17, 2009

ROJUKISS - Spot Light BB Cream 試用文



感謝「蘋果的化妝箱」Meling 抽中左我試用!第一次體驗韓國出品既 BB Cream!

盒背寫到:柔滑肌膚的同時展現出自然無瑕的透明感!ROJUKISS 聚光緊膚BB調理霜能作妝前底霜使用,可修飾肌膚,並能遮蓋肌膚瑕疵如色斑、暗瘡印、膚色不均等問題,締造自然光澤的色彩。


左邊係未搽 BB Cream,右邊係搽左 BB Cream
遮到暗瘡後既印,平均左膚色!(最近生理期所以好多粒粒!)
用左之後紅印都減少!



係手上面試,用少少推開佢,都算易推,推開個時比較白,但再搽左兩搽就同膚色溶合左,平均左膚色,再補少少碎粉,就可以出得街了!

不過有樣唔好係佢冇防曬度,一般BB Cream係咪都有既呢?我唔係好清楚,但係冇防曬要自己加係底呢!所以呢度要扣少少分啦!

對我黎講,因為我係偏乾泛油肌,用左有點笠!我諗可能留返冬天再用黎試下!而家呢個天氣用一定要加少少碎粉!咁會爽身好多!

All Photo Taken by SAMSUNG ST550

星期四, 10月 15, 2009

My Starbucks Moment


今朝收到速遞送黎既包裹,終於收到 Starbucks PR 速遞過黎既 Mint Mocha, 多謝 Meling既安排,所以得以順利接收 Mint Mocha 啦!

好重手呀,速遞哥哥比我個時,好重好重!

唔知入面有幾多枝呢!側面睇!


好似兵團咁呀!

一共有16枝呀!

咁多枝 Mint Mocha,梗係要同我親愛既同事分享啦!大家飲既方法都唔同,等我同大家Share返我同事仔們既My Starbucks Moment比大家知啦!


同事仔MT: 不太甜,但冇乜COFFEE味!mint 既味道ok!都幾好味! (冇雪室溫飲!)


同事仔SS : The mint mocha seems a bit sweet & is in lack of coffee favor, 都幾好味喎!! mint味我飲到尾先覺呀...可能我冇搖咗先啦! (冇雪室溫飲!)


同事仔CYu: it isn't creamy enough too, compare to the fresh starbuck....It must be better to serve in summer for cold, rather than in fall winter, though it is a tasty drink, it can't be call coffee... mint is good, still can feel it in in my throat at this moment...btw, aftertaste is quite good (雪凍左黎飲!)


同事仔 AF: 如果唔落冰, 真係太甜, 另外薄荷味幾強, coffee味比較少 (雪凍左加冰飲!)


同事仔 LY : coffee and mocha taste not very strong, maybe too much milk. mint is very strong though, then again, this migth be done based on local hk people's taste preference :P (雪凍左加冰飲!)


同事仔 JW: too sweet, too milky, without the taste of mocha, strong Mint favors. I don't like this favor, I prefer drinking Starbucks Latte, I give 5 out of 10 for the score. (雪凍左黎飲!)



同事仔 CYiu : 偏奶味!輕輕既薄荷味同咖啡味配合得恰到好處,雪凍左唔甜呀!但如果再少少甜度會更好!(雪凍左黎飲!)


同事仔 SL: smooth but kinda sweety..... should increase the favor of mint since I cannot taste it.........coffee favor can be tasted , however, it definitely not suitable for coffee addicted ssss , rather spend 5 mins walking down da coffee shops in the high street and grab a fresh one (雪凍左黎飲!)


其實今朝一收到 Mint Mocha ,我已經去雪定冰,但大部份同事仔都冇加冰,我都建議左佢地要加返一杯冰!咁就應該岩岩好!就咁飲會太甜!但有部份同事仔又覺得唔好甜岩岩好喎!我覺得絕對係個人口味!

我自己仲未飲!哈哈,等我飲左,同大家分享啦!


All Photo Taken by SAMSUNG ST550



星期三, 10月 14, 2009

《女人因愛自己而美麗》 Sonia Rykiel Makeup Workshop -Part 1


上上個星期,係愛麗絲部落格報名抽中可以參加 Sonia Rykiel Makup Workshop ,好開心,因為閃閃就係喜歡認識不同的事同物,Sonia Rykiel 對我黎講係一啲都唔識既品牌,所以可以參加今次既 Workshop好開心唷。感謝愛麗絲同Sonia Rykiel抽中左閃閃去上 Sonia Rykiel (以下簡稱 SR)既 Makeup Workshop!Thank you very much ne !!!!!

安排左九月尾既一個星期六早上十一時 (好早唷!但我地係第一班呀!) 食左少少早餐就趕去銅鑼灣時代廣場上堂去。

介紹既時候,唔講唔知原來 SR 已經有二十多年的歷史,可能因為分店唔多,所以留意唔到佢,今次Workshop係由 SR 既首席國際美容化妝總監OKAZAKI 先生親自教授,雖然言語不通(雖然有翻譯,但總覺得差梗啲既,搞到閃閃係度諗係咪應該要認真學習語言呢),但OKAZAKI san 佢好nice好鬼馬咁,我地上堂氣氛好開心唷。


今次Workshop試用佢既產品,最令我驚喜係佢品牌既王牌之一豆腐粉底!(閃閃未用過呀!所以對我黎講真係好驚喜既一個產品) ,可能多左學化妝上既野,越黎越覺得一個靚既妝容,唔應該係好「粉樣」,係應該好水感透薄的。可惜閃閃之前皮膚一路缺乏保養同護理 (對了,閃閃之前太懶了,所以咪話呢個世界上只有懶女人冇醜女人囉) ,所以皮膚又乾又欠缺光澤,最近好勤力,所以皮膚好多了,用上SR既豆腐粉底,就好岩用了。


豆腐粉底

講返Workshop先!首先OKAZAKI San 同我地介紹 SR 既底霜有乜野分別同埋功效。

而我係比較岩用右手邊既 Treatment Makeup Base,佢有防晒同保濕既功效!岩晒我咁乾既皮膚

BA們都上左唔同既底霜比我地睇效果


講完底霜就講粉底,都有三款介紹。我就試左Water Gel Foundation (40)啦!

OKAZAKI先生講解完之後就開始自己化啦!MUA 分別幫我地同做示範。

比張化妝前既相比大家睇下啦!唔好嚇親,素顏閃閃。

Part 2再同大家分享彩妝篇

LinkWithin

Blog Widget by LinkWithin