星期日, 11月 15, 2009

《女人因愛自己而美麗》 Sonia Rykiel Makeup Workshop -Part 2


我很喜歡 Sonia Rykiel 這句
《女人因愛自己而美麗》

上個月,如果有看過閃閃的部落格,都會知道閃閃出席左 Sonia Rykiel 既 Makeup Workshop (相關文章 Part 1) ,上次提過佢地既底妝篇,今次同大家分享彩妝篇!

再次多謝愛麗絲 (Yahoo 人氣Blogger!每天都有Update,好勤力同用心既 Blogger唷!閃閃都要好好學習)(賣口乖因為閃閃今次呢個Part 2太遲了),閃閃得以第一次接觸 Sonia Rykiel 呢個品牌!Yeah!!!!

上篇文章提到今次既 workshop係由SR首席國際美容化妝總監OKAZAKI 先生親自教授

做好底妝,就係化妝既時候,首先要化既,做係眼眉先,大家都知道只要畫好條眉,面部既輪廓就會好唔同,今次用既係SR既眉蠟+眉粉既組合,閃閃一向都用開眉粉,因為閃閃本身眉型都還好,只要加上眉粉就會自然得黎又加返啲色,咁會更好看!但有個問題係眉粉易掉色,基本上放工已經冇晒眉粉!

但呢個SR既眉蠟+眉粉既組合好好呢!佢首先用左眉蠟,咁可以fix 一fix 眉毛之餘,之前加眉粉就唔會易掉色,據OKAZAKI 先生講,就算落雨都唔怕!(閃閃用左多年既眉粉就黎用完,去過咁幾個化妝班,以呢個組合最得我心!睇黎都要入手了...)

下圖這個是化妝班用的,貨裝是圓圓的一盒,左邊一格眉蠟,右邊一格眉粉!


之後就到靈魂之窗-眼睛!

OKAZAKI 先生指出最重要係做好立體感,閃閃簡單講就係要用深淺不同既眼影,黎營造立體感既眼睛,先用淺色做出眼窩既輪廓,再用較深色的貼近眼線位置向上化開!(真係用文字好難解釋,下次 SR有化妝班,大家幾得報名參加!) ,試用 SR既眼影,發現上色黎很足,無論用手指或是用掃(因上次上另一品牌既化妝班,發現眼影用手指很難上妝!) 讚!



OKAZAKI 先生再講解眼線既技巧,閃閃用左紫色既眼線膏,因為紫色無黑色咁sharp,但深度較柔和,但都有將眼睛放大的效果!畫眼線不用一筆過,一下一下填好眼線,不用心急!


OKAZAKI 先生仲介紹左一個日本售賣既眼睫毛夾,叫 SUQQU,知道眼睛有得賣嗎?我想試下呢!SR既工作人員話呢個夾好好用架!夾出黎既眼睫毛好靚 ,據講大約二百多元一個(閃閃用既野越黎越貴...>.< ,最初用 Fancl , Shisedo , 之後用百多元既 Koji,而家仲想用二百多元既 SUQQU﹐又一次証明做人真係有要求先有進步...)

SR既眼睫毛膏都好好用,可惜閃閃唔愛用要用落妝用品先可以卸除既用品 (FOR 眼睫毛)



最後就係胭脂了,看到嗎?那個胭脂又是一行行色的設計,隨你喜歡在用在不同的部位用不同的色!OKAZAKI 先生話pink 既colour 較岩我,所以我01既胭脂!




最後就係唇妝了,閃閃不搽唇膏的,但試用麻,咁就要咩都試下先知好唔好!
不過因為閃閃有一支唇膏禮物,閃閃將試用品再同大家分享!

化好妝啦!係咪sharp 左啲呢,有睇上一篇都會記得閃閃個素顏樣!


最後OKAZAKI 先生同我地簽名合照留念,好似囉証書咁唷!哈哈


後記:閃閃之後去街街,因為個妝化得靚靚咁,個人都好開心,而因為粉底好水感透薄,一整天也沒有脫妝的問題,呢個豆腐粉底真係深深咁打動閃閃.....(又要駛錢錢了)

第一次覺得一個品牌佢每樣產品都做得好好!讚!(真心的!)
SR的BA亦很Nice,我之後都有同同事和朋友介紹,亦和朋友去概念店試試,雖然什麼也沒買(因為閃閃仲有好多粉底未用完.. 唔想又貪新棄舊),但BA亦好nice ,所以令我留下好印象 (希望服務水準要好好keep 住呀!)

最後想再說《女人因愛自己而美麗》,最後閃閃覺得愛人會使自己美麗及進步,但愛人也要愛自己,要愛自己先可以令人愛唷!

SONIA RYKIEL 概念店
銅鑼灣世貿中心 P105A 2808 1130

SONIA RYKIEL 專櫃
油麻地永安 PLUS 2374 1371

Sonia Rykiel Cosmetics:http://www.soniarykiel-cosmetics.com/


Remarks: CMP.LY Disclosure 2

5 則留言:

Karen 說...

自從用過sr新出個支保濕水同面霜之後對呢個品牌好感度大增~~因為真係好好用~~你今次介紹既眉蠟+眉粉同胭脂都好good呢~~~我想買呢><

Blanche 說...

多謝你嘅分享,你有否用過 sonia rykiel skincare,好用嗎

閃閃星小藍 說...

Karen -> 買啦!真係好用!

Blanche -> 好用呀, 我下篇會分享呢!^^

Karen 說...

閃閃:係呀~會買啦~~用過其他都係覺得佢好d~~

blanche~:好用呀~~值得一試!!

nottyevil 說...

豆腐粉底同Primer Moisture Essence我都係日本雜誌見過,想試下呢。

LinkWithin

Blog Widget by LinkWithin