星期二, 7月 27, 2010

認識 Maybelline


早前去左 Maybelline 位於朗豪坊的店,聽 PR 小姐介紹 Maybelline,其實 Maybelline 呢個名字既由來我係好耐之前都聽過 (可看上圖唷!),佢既由來完全係因為一個字!咪就係《靚》字囉,為左要靚,世界上第一次 Mascara 就係咁誕生啦!


Maybelline 由 Mascara 起家,咁多年黎出過既 Mascara 不計其數,每年都推陳出新,我都有用過 Maybelline 用暖水落既 Mascara,可惜佢最賣得既都唔岩用(我太油眼了),所以好多時都係我妹妹買多!



而只係個掃頭款式都可以支支不同架唷!真係鐘意粗大啲既得,幼身纖長啲既掃頭又得,切合唔同人既需要!






另外我地仲試左佢地既 BB Base ,據講係佢地向總公司反映,希望造一枝岩香港天氣用既 BB Base ,因為我地平時大多係用緊韓國既 BB Base,但其實因為韓國既氣候同香港好唔同,所以 BB Base 既質地其實唔係好岩我地,所以 Maybelline 就用左兩年時間去研究,所以就有左呢枝 BB Base 了,我都試用過其他,但冇一隻好似呢枝咁薄,我一囉返屋企,就比妹妹搶走了 (因為佢平時唔多化妝,用有少少色既 BB Base 就岩晒)......


好薄好易推,而且仲有 SPF 26 / PA+++ 添唷,岩晒平日一般活動用!


多謝 Maybelline 有關方面既招待呢!謝謝唷!

ESTÉE LAUDER 水漾活肌工作坊



上星期放工好趕咁出席左 Beauty Exchange x ESTÉE LAUDER HYDRATIONIST 系列既水漾活肌工作坊,好趕好趕,最後都係遲大到,實在太趕了....




工作坊係 ESTÉE LAUDER OFFICE 舉辦。

因為遲到既關係... 好多野都聽唔到呢,唯有自己在網上搵資料好了!



當日除左介紹新護膚品外,仲介紹新化妝品添唷,請左星級化妝師 Jonathan Li 介紹最新 Pure Color 高清純色系列!
(按圖可放大!)


試用日期:July 23-26, 2010
皮膚性質:混合性皮膚

產品資料:
水漾活肌鎖水修護精華 (Hydrationist Moisture Barrier Fortifier)

含有修護保濕防禦層的重要成分,也就是高濃度的全新神經醯胺活性複合成分(Ceramide Activating Complex)。 此先進複合成分以促進肌膚自行增生神經醯胺的方式,讓肌膚擁有修護受損保濕防禦層的能力─而神經醯胺屬於建構保濕防禦層的重要物質。 如此一來,更能維持保濕度與提升肌膚抵禦提早老化跡象的能力。水奇蹟修護保濕系列主要香氣為經典的海洋珊瑚香調,令人猶如親身徜徉於馬達加斯加島的海岸。
使用方法:早晚於洗淨臉部或使用化妝水後,塗抹水奇蹟修護保濕精華


水漾活肌深層保濕霜 (Hydrationist Maximum Moisture Crème)

大量補充水分,並平衡與維持肌膚的最佳保濕度,達到展現肌膚年輕光采的功效。讓肌膚變得更健康,且持續感受舒適的保濕效果。
水奇蹟修護保濕系列主要香氣為經典的海洋珊瑚香調,令人猶如親身徜徉於馬達加斯加島的海岸。
使用方法:早晚於洗淨臉部或使用化妝水後,塗抹水奇蹟修護保濕精華。接著早晚使用水奇蹟修護保濕凝霜/乳霜/乳液,能為您打造更年輕健康的膚質

其實之前如果冇試用既時候,我就會用返 CyberWhite EX 突破亮白高效精華,因為想皮膚白啲,雖然用呢隻美白既精華唔會令皮膚乾,但就點都一定唔夠保濕產品咁水潤,最近各品牌都出品保濕產品,因為夏天天氣熱,高溫會蒸發皮膚既水份,所以保濕係一年四季都需要!寫文的時候,注意到 Ceramide呢個字眼,所以就上網找來相關資料。

其實每個品牌既保濕精華都有佢地最特別既地方,今次我都係可集中係 Ceramide身上!

「Ceramide是由皮膚的角質細胞(Keratinocytes)製造出來,Ceramide的製造量在20歲時達到高峰,20歲後會隨年齡增加而降低,我們能從平常的食物中攝取到少量的Ceramide,如米,玉米,菇類,蒟箬等來源,不過,因為含量極低。」

睇返資料,原來而家好多品牌都有 Ceramide,但係水漾活肌鎖水修護精華係有高濃度 Ceramide Activating Complex,所以既可以維持保濕度,又可以提升肌膚抵禦提早老化跡象。



之後仲有一袋小禮物,內有一支 Pure Color Gloss 好好用,因為我喜歡唔笠住個咀既 Lip Gloss !另外送左 1 支 水漾活肌鎖水修護精華 Sample 水漾活肌深層保濕霜 同埋比我地進行試用!

用後感:用左幾日,雖然呢排冇乜敷保濕面膜,只係用呢個產品都有水潤既感覺,而且平日出油既情況推遲了,所以感覺到真的有保水既感覺,皮膚比未用前嫩滑了點,搞到我想去買黎用添~


其實我都仲有其實系列既 Estee Lauder 用品呢!

多謝 Beauty Exchange 同埋 ESTÉE LAUDER 今次既工作坊,除左了解到新品之外,仲可以試到新化妝品呢! Thank you !

部份資料來源:
http://www.healthwomen.com.tw/ceramide.htm

星期一, 7月 26, 2010

Neutrogena 3D 美白體驗



尋日中午,因為抽中左去體驗「Neutrogena 3D美白體驗」Mini Facial ,所以一早就出左銅鑼灣,我唔記得記錄係日程表度,記錯左時間,但好彩本身都早左半個鐘出門口,所以去到比預約左既時早左少少!呼~~~~~


今次係由 HKCOSME.com x Neutrogena 搞既活動,品牌方面安排左係銅鑼灣金朝陽中心既 Bio Slim 試由樂基兒做代言最新既深層美白修護面膜!

對佢既新廣告無印象嗎?我地黎重溫下!



一去到,首先係由品牌PR小姐做介紹,講起PR 小姐,之下見過另一品牌既PR 小姐皮膚超差,真係好難相信SKINCARE / MAKEUP 品牌既PR 皮膚咁差,咁仲有咩說服力呢,NEUTROGENA 既PR 皮膚好好,又夠白,說服力好高呢!



四位BLOGGERS 包括我,坐定定聽講最新既美白MASK!!!




其實本身都知十一點要去訓,等身體既器官進入修復既狀態,但就唔知原來十一點後連皮膚都會自我修復,平時我地敷完個面膜敷完個下好水潤美白,但過一陣又未必KEEP 得住,但今次既 Fine Fairness 深層美白修護面膜就有呢個長效 Healthy White Complex TM 活性美白精華,係敷完之後,仍然能夠持續咁活躍係比較深層既肌膚一整晚,而且有全新既 3D 伸展剪裁能夠有助 Push-In 多 3倍既精華,逐啲咁進入底層!

即係話,敷完 15-20 mins 精華可以KEEP 住活躍係皮膚底層一整晚!持續咁進行美白,就算係黑色素最活躍既時段都可以有效咁抑制!

而早前收集左大量既皮膚問題,Neutrogena 都搵左 HealthLase 既 DR. JACKY K CHANG 黎解答左幾個問題,唔知 Neutrogena 方面,會唔會張條片放上網呢?

睇完片,就去做 Mini Facial 啦!


由清潔到磨砂及爽膚水等,全部都係用 Neutrogena product!


敷面膜的相,本來實在唔想影敷住面膜既相放上網,但係如果唔影呢,又比唔到大家睇睇超貼面既效果,雖然鼻位都唔係太貼,可能我郁黎郁去,但係面膜邊位的確係可以拉貼面部肌膚!


敷完 20 mins 後,按摩一下皮膚等精華液滲入皮膚,就可以如常搽防曬化妝去!當然因為而家我係朝早所以要咁做啦!平日用完面膜唔駛洗面架!

做完之後,覺得皮膚的確係有通透感左,不過敷面膜呢家野,質素重要之餘,量都好緊要,所以返屋企試多幾日,再話比大家聽啦!

星期日, 7月 25, 2010

TruEye 五日試戴活動



早前係 Beauty Exchange 同埋 she.com 都見到 acuvue TruEye 五日試戴活動,我已經好多年冇戴過 Acuvue 既產品,見有免費試戴,就登記試下啦!

見到有我上次試戴另一品牌既 COLOUR CONS (相關文章) 時驗眼既店,佢係我咁多年黎驗眼驗得最詳細同細心既店舖,位於銅鑼灣京華中心的晴型視光,咁梗係揀返呢間啦!

驗完眼後,視光師幫我驗過眼,我既視力度數冇深到,可以戴返上次的度數,但驗過後發現原來我戴 TruEye的話,弧度同我平時戴開既 Acuvue 唔同,而家戴呢個戴得好舒服!

今次 TruEye 用既物料係矽水凝膠,據講呢種物料係外國已經好普遍,但香港較為少用,佢透氧度比舊既CONS 高出 3倍,而我試戴左四日了,都覺得戴住佢比我以往戴開既CONS 舒服,冇咁易覺得乾!而且都幾易除呀~

我要戴住對CONS 再去晴型視光驗多次眼,提提你,每間眼鏡店都可能會收取驗眼費,大家預約既時候記得要問清楚,而我去呢間會收 $100 驗眼費,但呢 $100 係可以要黎當現金買返CONS 又或者眼鏡用的!


五對CONS 有個膠盒裝住架!


活動仲未完呢,大家可以去試下唷!
http://hk.asia.acuvue.com/trueye/index.html?ac=te132&sid=1

星期六, 7月 24, 2010

A New Me! SHISEIDO MAQuillAGE 彩粧體驗列車



今朝中午,出席左 HKCOSME.com x Neutrogena 既活動 (相關文章),完左之後,時間岩岩好去SHISEIDO MAQuillAGE 彩粧體驗列車度試新既彩粧,佢出左新既雙頭唇膏加唇彩系列!

其實係尋晚係 Facebook SHISEIDO Fans Page 見到佢既LINK,見到咁岩係銅鑼灣,時間又岩岩好喎,咪去囉!


去到已經有兩個女仔係車入面化緊妝,原來今次唔係只係試佢既新產品,係 Full Makeup 唷!所以去到排隊,你都要預計十至十五分鐘先化完一個唷!

熱辣辣高溫下係街邊等都真係好熱下,不過因為我係第三個(好彩早去!佢二點至五點的),所以都唔係等左好耐唷!

今次活動除左係試新產品外,仲會有攝影師影相,參加 "A New Me!" Competition ,會拍下 Before & After 既相,再係 SHISEIDO MAQuillAGE 既網度投票選出最佳彩粧形象演繹,唔知我個張相拍成點?因為冇得睇返,唔知會唔會好古怪!


最新既彩粧系列,Makeup Artist 話係秋季彩粧黎!

之前一路都聽講 MAQuillAGE 出左支 Sherbet Base ,今次可以試下了,MUA 用佢黎幫我補粧,夏天用真係好正,因為佢有冷感效果,可以 Cool down 一下皮膚,而且可以控油同埋令粉底更貼!

Sherbet Base 冰感雪芭粧底霜 $300

之後就係化妝啦!要介紹一下最新呢兩款產品,分別係:
搪瓷鎂光唇膏同雙效閃炫眼影;前者雙頭設計,一邊係唇膏一邊係唇彩,MAU 本來同我搽左另外一支的,但對我黎講太紅,最後就用左呢支!另外因為我今日著得有點帶紫色,所以都選左紫色呢個組合,質地上眼涼涼地,而且閃閃地,我幾鐘意呢!兩種顏色做出立體眼粧!

MAU Tips for Lip : 搽左唇膏後,要等一分鐘左右,等唇膏乾左先上聚光唇彩,咁就會更加貼服!


Rouge Enamel Glamour 搪瓷鎂光唇膏 $230

Dual Glow Eyes 雙效閃炫眼影 $180

呢個就係我既 Before & After ,其實個粧對我黎講有點濃,但係對眼的確係大好多同埋我覺得MAU 化個胭脂好靚,好自然呢!


CLOSE UP THE EYE




出左去成日,返黎都冇乜溶粧,仲可以影到相,OK 喎!


題外話:原本諗住上到架車上面會涼快點,但原來好熱下的,同街既溫度差唔多!MUA 不停咁幫BEAUTY 化妝,真係辛苦晒唷!


Youtube 找來最新的 TVC !

星期五, 7月 23, 2010

muse about collagen


早前試做了 Reenex 高效膠原自生組合療程 (相關文章),據治療師講,係透過1540nm 既冷凍光學,能夠深入真皮層的骨膠原所在位置 200-500 微米,活化纖維母細胞 fibroblast 增生骨膠原,提升肌膚彈性同承托力。看廣告及一些介紹,都說皮膚會增生骨膠原,但究竟真實係點呢?我都仲係好多疑問???記得之前 Beauty Exchange sent 左有相關資料比我,等我同大家分享下!

我地一般最常接觸應該係口服既骨膠原/膠原蛋白產品,我早幾年都有飲過市面最常見既其中兩隻品牌所出既 Collagen,坦白講,飲左大半年,你話好有效呢!我查實唔係好覺,後來
消委會都有報導過,話口服既 Collagen 好多時都比腸胃吸收左,好難去到皮膚度,其實我都相信的,不過有時總覺得有食好過冇食吧!

上網找到一些資料:

消委會表示,市面不少膠原蛋白補充劑聲稱有改善皮膚和美容效果,消委會質疑這些聲稱並無科學根據。

消委會副主席何沛謙表示,食物中一樣有膠原蛋白,重點是這些蛋白要用於身體,必須經過消化、吸收、再由身體同化整合的過程。身體吸收後不一定進入皮膚,可以是肌肉、骨、筋、頭髮、指甲等。

他指,一些膠原蛋白補充劑聲稱,其成分是「可以直接由皮膚吸收」的微細分子,這說法未必正確,因為不論分子有多細小、濃度有多高,都必須經過上述的消化吸收過程,不可能直接由皮膚吸收,成為皮膚的蛋白膠原。有關產品並沒有清楚解釋這過程。

此外,即使能成為皮膚的膠原蛋白,也不一定會受用於臉部的皮膚。

他又指,有水解膠原蛋白產品聲稱經過測試,證實較易被腸臟吸收,但有關測試只是個別的動物測試。

他強調,從來沒有醫學報告證實,口服的膠原蛋白可以直接轉化成人類的皮膚膠原蛋白。

同時,醫生指出,部分人香港市民也許缺乏鈣或葉酸,但一般人都沒有缺乏蛋白質的情況,不用特別補充。
(http://news.sina.com.hk/cgi-bin/nw/show.cgi/32/1/1/1458581/1.html)

之前都去聽過一啲打透明質酸之類既野入皮膚度,但一聽到要打針入皮膚,就怕怕!我敢吧落肚,但就怕打針!

上次去做冷凍光學去係皮膚底層去刺激皮膚內的細胞去增生骨膠原,我又覺得幾OK,起碼唔駛打針入皮膚,雖然冶療師話做一次效果唔會好明顯,但我都有啲覺得做完之後皮膚帶有少少光澤感!可惜最近我要準備讀書,錢錢錢... 唔可以亂用了......

星期四, 7月 22, 2010

BE x Melvita 有機玫瑰系列



月初的時候,我已經預告左 BE x Melvita 有機玫瑰系列 既試用,真係超唔好意思,隔左咁耐先寫,因為家中電腦正式退役,買左新電腦先可以舒舒服服咁打試用文呢!

最近試用活動好活躍,但係因為生日月既關係 (咪即係等於破財月囉.....),自己都買左啲禮物送比自己 (其實係趁用晒要添置),但因為仲有好幾樣試用品報告要交了!所以遲少少囉!

講返今次既試用先,其實我已經用左唔只十日架,基本上呢排日日都有用!不過我主要只係用其中一款產品,因為 BA 囉試用品比我既時候,已經因應我既皮膚作出左使用既指引,佢建議我暫時唔好用玫瑰果油 (Rose Hip Oil)住,因為我皮膚起粒粒呢,怕我用左會引起反效果,真係多謝 BA既細心呢!

玫瑰果油 (Rose Hip Oil)我都會用,但要過一排先用得,我會再同大家報告呢!今次集中講下玫瑰蜜霜 (Rose Nectar Day Cream)吧!
細個既時候,我唔鐘意玫瑰花的,總係覺得佢太娘了,但大個左反而欣賞玫瑰花既美,而且因為接觸護膚品多左,有好多產品都用上玫瑰花,因為佢有保濕既作用,但打正係有機產品我接觸得比較少,今次試用 Melvita 既有機系列,認識 ECOCERT 認證機構既資料 (相關資料) ,用得好放心呢!


官方資料:
質地幼嫩,適合幼嫩肌膚使用,玫瑰蜜霜蘊含多種玫瑰的活躍成份:具修護作用的摩洛哥玫瑰、具舒緩作用的伊朗玫瑰花水、具更新作用的智利玫瑰果油及具活化作用的玫瑰種子乳液,其中大馬士革玫瑰更為此產品添上獨特的香氣。
玫瑰蜜霜質地易被吸收,有效為幼嫩肌膚增添亮澤。

純白色的霜狀質地,少少杰,但搽上面又好滑好易推!


產品包裝設計平實,最驚喜係個咀,BA話係每一次咁既時候先會打開,平時係冇洞的,咁既設計係因為想產品儲存係密封既樽內,每次按出既CREAM 都係新鮮冇比空氣既細菌感染!有出冇入!雖然我覺得未必做到100%有出冇入,但比起平時我地用既產品設計的確係乾淨好多!讚!


水份測試,由上至下,分別係未搽產品前,中間係搽左之後既五分鐘,最下面係搽左之後既十分鐘,可以睇到佢既保水能力同埋保持水份既能力都好好!


另外玫瑰果油 (Rose Hip Oil)既質地,一般精油狀,味道對我黎講就唔係太討好了,可能因為佢係玫瑰果而唔係玫瑰花既香味!搽落手都算快吸收,唔會好油!

官方資料:
經臨床測試証明對滋潤乾燥皮膚特別有效,蘊含豐富的脂肪酸,有助提升皮膚的再生功能,對修護日曬後的皮膚尤其有幫助,另外,玫瑰果油亦有維持皮膚的緊緻及彈性的作用,對預防及撫平因為懷孕引起的妊娠紋或體重變化造成的橙皮紋具明顯功效,同時亦有效減少皮膚的色素,預防黑斑及雀斑形成。

遲啲皮膚冇乜粒粒既時候,我會試用呢個果油!

講返今次試用,玫瑰蜜霜 (Rose Nectar Day Cream) 我冇留意到佢係 Day Cream,夜晚都用埋佢,後來先發現係日霜黎,不過夜晚用又冇乜問題喎,佢連敏感皮膚都用得,我用得好放心,用左一段時間,我覺得皮膚好滑,而且淡淡既玫瑰味好香唷,入面有好幾種唔同既玫瑰花成份添!

不過夏天用佢總係覺得有啲厚,但搽落又冇乜野喎,可能雖然話係夏天,但係呢... 成日都身處冷氣房,係咁抽乾水份,又成日係冷氣同戶外咁一冷一熱,皮膚要多啲滋潤同保水係必需既呢!

多謝 Beauty Exchange x Melvita 今次提供既試用呢,我仲有興趣買埋佢枝玫瑰花水添唷!

星期日, 7月 18, 2010

生日飯

剛過的生日,朋友和同事們都分别和我吃了數餐生日飯,多謝大家唷,因為今年我沒有搞生日會了,大家都記得我生日,實在太感動了!

早前寫了一篇關於 30歲 的文章,多謝大家既留言鼓勵,其實我唔算係非常正面思想的人,但近年的確想法正面多了,雖然過去發生好多不開心的事,甚至否定了自己,但又可能因為這樣,現在想法的確和以往有所不同,感謝人生中出現過改變我的人,我知道我的人生會因為改變而改變,當然是變得更好唷!

今年首餐生日飯,因為人數多,所以選了金田日式放題,這間比我上年選的松屋好好多,起碼魚生不是細細粒咁,食物質素也不錯,而且今次訂了房,較光猛,不過次次上食物都在門口那邊,要夾野食好遠,最後原來妹妹食了很少野食,返到屋企要再食野,我沒有留意到呢.... 都是我照顧不力吧!(我掛住傾計添, hahahha)

第二餐是公司同事們和食的,揀左金羅寶韓國料理,其實我同同事仔成日都去食,今次仲同同事仔share 野食,叫左個海鮮麵,好鮮既蝦味,正!另外仲有我最愛既牛肋骨,必吃!

第三餐係最頑皮既朋友請吃既生日飯,但係我自己等位囉....... 等左成個鐘先有位喎,係邊間,就係係 Langham Place既近又吉列黑豚專賣店,我企係旁邊等位,個侍應都可以細聲到我聽唔到佢叫我既 No.!好無奈,因為佢次次叫 No.我都已經好留心聽......到我地入座,首先每人會有碗仔自己磨既芝麻,未食飯已經有野玩,自己即磨既芝麻會比預先磨好既芝麻更香!再加醬汁要黎配豬扒,好美味!


我叫既套餐係自由配搭,可以揀自己想食既食材配搭!仲有一大堆可以添食既椰菜絲,好好味,豬扒唔算係好滑,但炸得剛剛好,不會太乾!(但都係覺得媽媽煮既豬扒味好多,我都要學煮先得!嘻嘻)



朋友仔點這個就幾得意,夾心豬扒,揀左芝士夾心!幾得意又幾好味唷,下次如果再食要食呢個先得!


呢個唔係頑皮個個朋友仔,係另一朋友仔阿柑,影返張相留念先,今年佢已經同我一齊食左兩餐生日飯架啦!啜啜!


多謝頑皮朋友仔同阿柑唷!嘻嘻!



今年正日生日係新曆舊曆一齊,唔知點解喎,唔係每19年一次既咩?我未到38歲喎,哈哈,正日生日另一朋友仔約左我食魚,我好喜歡吃魚的唷,好難得朋友仔記得我生日又記得我喜歡吃魚,位於油麻地的叫巴蜀烤全魚,我聽過但未去食過,屬於川菜既烤全魚,由朋友仔發板,揀左剁椒烤全魚,成條魚上,好大條唷,揀剁椒應該係因為我係食得太辣,但剁椒係咩黎呢?我又唔係好知喎,烤好魚後用魚湯滾住,再加上配料,好好味,食晒成條魚!我應該會再約朋友去食過呢!金菇好少添,因為佢吸左啲味好好味,如果多啲金菇多啲就好啦!


呢個烤全魚有特色唷,多謝朋友仔!

今年生日無特別搞活動,但我本來是一個好易開心同滿足的人,所以今年覺得好開心,多謝咁多位朋友仔!啜啜~

對了,今年很多願望,希望會一一實現吧!學Little Ka ,大家借啲運比我,希望我想讀既課程會收我唷!!!!

LinkWithin

Blog Widget by LinkWithin